ថ្ងៃទី៩ ខែឧសភា ជាកិច្ចប្រារព្ធខួបលើកទី62 នៃទិវាអឺរ៉ុប ក៏ដូចជាគម្រប់២០ឆ្នាំនៃកិច្ចសហប្រតិបត្តិការរវាងសហភាពអឺរ៉ុប និងកម្ពុជា។ ប្រតិភូសហភាពអឺរ៉ុប និងស្ថានទូតប្រទេសជាសមាជិកនៃសហភាពអឺរ៉ុបនៅក្នុងទីក្រុងភ្នំពេញ បានសម្រេចរៀបចំទិវាមហោស្រពភាពយន្តសហភាពអឺរ៉ុប រយៈពេលបីសប្តាហ៏ និងស្វាគមន៏ដល់ទស្សនិកជនជាសាធារណៈចាប់ពីថ្ងៃទី៧ ដល់ថ្ងៃទី៣១ ខែឧសភា ឆ្នាំ២០១២។

កាលពីថ្ងៃទី៩ ខែធ្នូ មានយុទ្ធនាការជាតិមួយត្រូវបានសម្ភោធ ដែលវាជាកម្មវិធីមួយ​សម្រាប់ការបង្ការអំពើហិង្សាក្នុងគ្រួសារក្នុងប្រទេសកម្ពុជា។ យុទ្ធនាការនេះ​គឺជាចំណែក​មួយនៃគោលនយោបាយរបស់ក្រសួងកិច្ចការនារីប្រចាំកម្ពុជា ហើយត្រូវបានតាក់តែង​ឡើងដោយអង្គការ ភីស.អេន.ឌេវេឡបមិន (Peace and Development) ជាអង្គការ​មិនមែនរដ្ឋាភិបាលអេស្ប៉ាញ ក្រោមការណែនាំពីគណៈកម្មាធិការមួយ, ជាមួយនឹងការជ្រោមជ្រែងនៃក្រសួងកិច្ចការនារី និងការសហការរបស់អង្គការ ជី.អាយ.ហ្សិត, អង្គការ ភី.ហ្វរ.ភី, អង្គការ យូ.អិន.អែហ្វ.ភី.អេ, និងភ្នាក់ងារអេស្ប៉ាញសម្រាប់​កិច្ចសហប្រតិបត្តិការអភិវឌ្ឍអន្តរជាតិ (AECID) ជាអ្នកឧបត្ថម្ភធំ។ យុទ្ធនាការនេះក៏ត្រូវបាន​គាំទ្រដោយក្រុមអង្គការធំៗនៃអង្គការមិនមែនរដ្ឋាភិបាលកម្ពុជា និងអង្គការមិនមែន​រដ្ឋាភិបាលអន្តរជាតិផ្សេងទៀតផងដែរ ដែលក្នុងនោះមានអង្គការយូ.អិន.វឺ.មិន ជាដើម។

ក្នុងអំឡុងកិច្ចប្រជុំលើកទី១១នៃរដ្ឋភាគីអនុសញ្ញាអូតាវ៉ាស្តីអំពីការហាមប្រាម ការប្រើ ប្រាស់ ការផលិត ការរក្សាទុក ការផ្ទេរគ្រាប់មីនប្រឆាំងមនុស្ស និងការបំផ្លាញវា ត្រូវបាន ប្រារព្ធធ្វើនៅក្នុងប្រទេសកម្ពុជា, ប្រទេសអេស្ប៉ាញបានពង្រឹងនូវតួនាទីរបស់ខ្លួន ជាមួយ នឹងសកម្មភាពកងកម្លាំងដោះមីនអន្តរជាតិ និងបានអានរបាយការណ៏​សង្ខេបអំពី​ជំហ៊ាន បន្ទាប់របស់ភ្នាក់ងារអេស្ប៉ាញសម្រាប់កិច្ចសហប្រតិបត្តិការអន្តរជាតិនៅក្នុងវិស័យ។